امریکہ، ایران مذاکرات آئندہ ہفتے اسلام آباد میں دوبارہ شروع ہونے کا امکان


امریکی اخبار وال سٹریٹ جرنل کی رپورٹ کے مطابق دونوں ممالک ثالثوں کے ذریعے ایک ایک صفحے پر مشتمل 14 نکاتی مفاہمتی یادداشت تیار کرنے پر کام کر رہے ہیں، جس کے تحت ایک ماہ پر محیط مذاکراتی عمل شروع کیا جا سکتا ہے۔
(نیویارک) رپورٹ میں کہا گیا ہے کہ مجوزہ مذاکرات کا مقصد خطے میں جاری کشیدگی اور جنگی صورتحال کا خاتمہ ہے۔ مجوزہ مسودے میں ایران کے جوہری پروگرام، آبنائے ہرمز میں کشیدگی کم کرنے اور ایران کے اعلیٰ سطح پر افزودہ یورینیم کے ذخائر کسی دوسرے ملک منتقل کرنے جیسے اہم نکات شامل ہیں۔
رپورٹ کے مطابق کئی معاملات تاحال حل طلب ہیں، جن میں ایران پر عائد پابندیوں میں ممکنہ نرمی کی حد سب سے بڑا اختلافی نکتہ تصور کیا جا رہا ہے، جو مذاکراتی عمل کیلئے چیلنج بن سکتا ہے۔
امریکی اخبار نے دعویٰ کیا کہ اگر ابتدائی مذاکرات میں مثبت پیشرفت ہوئی تو ایک ماہ کی مدت کو باہمی اتفاق سے مزید بڑھایا بھی جا سکتا ہے۔
Web Desk
Media Channel
شائع ہوا: 9 مئی، 2026 کو 03:11 AM
آخری تدوین: 9 مئی، 2026



