کینیڈا کی سینیٹ میں “پاکستان ایونٹ” کا انعقاد، پاکستانی ثقافت اور سیاحت کو اجاگر کیا گیا
کینیڈا کے دارالحکومت اوٹاوا میں ایشین ہیریٹیج منتھ کی تقریبات کے سلسلے میں کینیڈین سینیٹ کی عمارت میں “پاکستان ایونٹ” کا انعقاد کیا گیا، جس میں پاکستانی ثقافت، فنون، سیاحت، ایڈونچر اسپورٹس اور روایتی کھانوں کو نمایاں انداز میں پیش کیا گیا۔
( اوٹاوا ) تقریب کینیڈین سینیٹ کے سینیٹرز چیمبر میں منعقد ہوئی، جس کا اہتمام کینیڈین سینیٹر سلما عطاءاللہ جان نے کیا۔ تقریب میں تقریباً 80 مہمانوں نے شرکت کی جن میں سینیٹرز، ارکانِ پارلیمنٹ، سفارتی نمائندے، پاکستانی کمیونٹی اور مقامی میڈیا کے افراد شامل تھے۔
تقریب میں پاکستان کے ثقافتی ورثے، سیاحتی مقامات، فنون اور کھانوں پر مبنی معلوماتی مواد اور ویڈیو کلپس پیش کیے گئے۔
کینیڈا میں پاکستان کے ہائی کمشنر محمد سلیم نے سینیٹر سلمیٰ عطااللہ جان کا شکریہ ادا کرتے ہوئے کہا کہ کینیڈا کی سینیٹ جیسے باوقار مقام پر پاکستان ایونٹ کا انعقاد دونوں ممالک کے تعلقات کے فروغ کے لیے اہم قدم ہے۔
انہوں نے پاکستان اور کینیڈا کی پارلیمانوں کے درمیان پارلیمانی فرینڈشپ گروپس کے ذریعے روابط بڑھانے کی ضرورت پر زور دیا اور کہا کہ تجارت، سرمایہ کاری، معیشت اور سیاحت کے شعبوں میں دونوں ممالک کے درمیان تعاون کے وسیع مواقع موجود ہیں۔
Web Desk
Media Channel
شائع ہوا: 8 مئی، 2026 کو 06:09 PM
آخری تدوین: 8 مئی، 2026
