پشاور تا جہانگیرہ ریلوے منصوبہ منظور، وزیراعلیٰ خیبرپختونخوا کا بڑا فیصلہ
وزیراعلیٰ خیبرپختونخوا کی زیر صدارت کے پی اربن موبیلٹی اتھارٹی کے بورڈ آف ڈائریکٹرز کا 20واں اجلاس منعقد ہوا، جس میں شہری ٹرانسپورٹ اور ریلوے منصوبوں سے متعلق اہم فیصلے کیے گئے۔
(پشاور)اجلاس میں وزیراعلیٰ نے پشاور، نوشہرہ تا جہانگیرہ ریلوے سیکشن کے لیے پری فزیبلٹی اسٹڈی کی منظوری دے دی، جس کے لیے 13.162 ملین روپے مختص کیے جائیں گے۔ حکام کے مطابق منصوبے کا مقصد شہری رابطوں کو بہتر بنانا اور ٹریفک کے دباؤ کو کم کرنا ہے۔
اجلاس کے دوران وزیراعلیٰ نے کے پی اربن موبیلٹی اتھارٹی کو پاک آسٹریا فاخہوخشولے انسٹیٹیوٹ آف اپلائیڈ سائنسز کے ساتھ کنسلٹنسی معاہدہ کرنے کی اجازت بھی دے دی، جبکہ منصوبے کے ٹرمز آف ریفرنس، بجٹ اور دیگر اخراجات کی منظوری بھی دی گئی۔
وزیراعلیٰ نے پشاور تا طورخم ریلوے منصوبے کی پری فزیبلٹی اسٹڈی کو تیز رفتار بنیادوں پر مکمل کرنے کی ہدایت کرتے ہوئے کہا کہ یہ منصوبہ خطے میں تجارتی سرگرمیوں اور عوامی آمدورفت کے فروغ میں اہم کردار ادا کرے گا۔
انہوں نے کے پی اربن موبیلٹی اتھارٹی کو ٹریفک مسائل کے حل اور شہری رابطوں کو بہتر بنانے کے لیے جدید اور اختراعی تجاویز پر کام کرنے کی بھی ہدایت کی۔
Web Desk
Media Channel
شائع ہوا: 19 اپریل، 2026 کو 06:32 AM
آخری تدوین: 19 اپریل، 2026
