ثالثی کیلئے کئی ممالک تیار، باضابطہ ثالث صرف پاکستان ہے: ایرانی ترجمان

(تہران) اسماعیل بقائی نے کہا ہے کہ ایران اور امریکا کے درمیان ممکنہ مذاکرات کیلئے کئی ممالک ثالثی پر آمادہ ہیں، تاہم باضابطہ ثالث صرف پاکستان ہے۔

ایک انٹرویو میں ایرانی وزارت خارجہ کے ترجمان نے کہا کہ اگر مذاکرات کا فیصلہ کیا گیا تو باضابطہ طور پر تمام متعلقہ فریقوں کو آگاہ کر دیا جائے گا۔

انہوں نے کہا کہ سلامتی کونسل میں روس اور چین نے ایران کو شرپسند کارروائیوں سے بچانے میں اہم کردار ادا کیا۔

اسماعیل بقائی نے سوشل میڈیا پر جاری اپنے پیغام میں کہا کہ ایران پر امریکا نے دفاعی حملہ نہیں بلکہ کھلی جارحیت کی تھی، اور واشنگٹن کے پاس اس جنگ کو دفاعی قرار دینے کا کوئی جواز موجود نہیں۔

انہوں نے مزید کہا کہ ایران اپنی خودمختاری، سلامتی اور قومی مفادات کے تحفظ کیلئے ہر ضروری قدم اٹھانے کا حق محفوظ رکھتا ہے۔