وائٹ ہاؤس پریس ڈنر میں فائرنگ، صدر ڈرنلڈ ٹرمپ محفوظ، حملہ آور گرفتار

(واشنگٹن) ڈونلڈ ٹرمپ کی موجودگی میں وائٹ ہاؤس کوریسپونڈنٹس ڈنر کے دوران فائرنگ کے واقعے سے تقریب میں شدید افرا تفری پھیل گئی۔

عینی شاہدین کے مطابق فائرنگ کی آواز سنتے ہی تقریب کے شرکا نے فوری طور پر میزوں کے نیچے پناہ لی جبکہ سیکرٹ سروس کے اہلکاروں نے صدر ٹرمپ اور ان کی اہلیہ میلانیا ٹرمپ کو فوری طور پر محفوظ مقام پر منتقل کر دیا۔ رپورٹس کے مطابق تقریب میں موجود دیگر کابینہ ارکان بھی محفوظ رہے۔

امریکی میڈیا کے مطابق صدر ٹرمپ خیریت سے ہیں۔ بعد ازاں انہوں نے کہا کہ فائرنگ کرنے والے شخص کو گرفتار کر لیا گیا ہے اور سیکیورٹی اہلکاروں نے بروقت اور مؤثر کارروائی کی۔

صدر ٹرمپ نے کہا کہ میری خواہش ہے کہ تقریب دوبارہ شروع ہو اور قانون نافذ کرنے والے ادارے جلد ہی اس بارے میں فیصلہ کریں گے۔ وائٹ ہاؤس کوریسپونڈنٹس ایسوسی ایشن کے مطابق صورتحال کا جائزہ لیا جا رہا ہے اور جلد مزید آگاہ کیا جائے گا۔

واقعے کے بعد سیکورٹی مزید سخت کر دی گئی جبکہ حکام نے کہا ہے کہ تحقیقات جاری ہیں اور تمام پہلوؤں کا جائزہ لیا جا رہا ہے۔