مشتبہ شخص اسی ہوٹل میں بطور مہمان مقیم تھا جہاں تقریب جاری تھی۔

واشنگٹن میں فائرنگ کے حالیہ واقعے کی تحقیقات میں اہم پیش رفت سامنے آئی ہے۔ پولیس کے مطابق مشتبہ شخص اسی ہوٹل میں بطور مہمان مقیم تھا جہاں تقریب جاری تھی۔

پولیس چیف جیفری سی کارول نے بتایا کہ تفتیش کے پیش نظر مشتبہ شخص کے ہوٹل کے کمرے کو سیل کر دیا گیا ہے تاکہ شواہد محفوظ رکھے جا سکیں۔

ملزم کی شناخت کول تھامس ایلن کے نام سے ہوئی ہے، جس کی عمر 31 سال بتائی جاتی ہے اور وہ کیلیفورنیا ,ٹورنز کا رہائشی ہے۔

سکیورٹی سے متعلق سوال پر پولیس چیف نے کہا کہ فی الحال یہ نہیں کہا جا سکتا کہ اس واقعے کے بعد کسی اور کو خطرہ لاحق ہے، تاہم احتیاطی تدابیر کے طور پر اضافی سکیورٹی اہلکار تعینات کر دیے گئے ہیں۔ یہ اقدامات خاص طور پوائٹ ہاؤس کوریسپونڈنٹس ڈنر کے بعد ہونے والی پارٹیوں اور دیگر تقریبات کے لیے کیے گئے ہیں۔

حکام کے مطابق صورتحال پر مسلسل نظر رکھی جا رہی ہے اور مزید تفصیلات سامنے آنے پر عوام کو آگاہ کیا جائے گا۔