پی این ایس سی کا جہاز ’بولان‘ 57 ہزار ٹن پیٹرول لے کر کراچی پہنچ گیا

(کراچی) پاکستان نیشنل شپنگ کارپوریشن (PNSC) کا تیل بردار جہاز ’’بولان‘‘ پیٹرول کی بڑی کھیپ لے کر پورٹ قاسم پہنچ گیا ہے، جس سے ملک میں پیٹرولیم مصنوعات کے ذخائر مزید مستحکم ہونے کی توقع ہے۔

پورٹ حکام کے مطابق جہاز عمان کی سوہار بندرگاہ سے روانہ ہوا تھا اور اس وقت کراچی کی حدود میں پہنچ چکا ہے۔ جہاز پر مجموعی طور پر 57 ہزار 300 میٹرک ٹن پیٹرول لدا ہوا ہے۔حکام نے بتایا کہ پیٹرول کی آف لوڈنگ کے لیے جہاز کو منگل کی صبح برتھ (Berth) پر لگایا جائے گا۔

تکنیکی مراحل مکمل ہونے کے بعد سپلائی چین کا حصہ بننے کے لیے تیل کی منتقلی شروع کر دی جائے گی۔