ایرانی وزیر خارجہ کی مختصرٹیم کے ساتھ آج رات اسلام آباد آمد متوقع،حکومتی ذرائع

(اسلام آباد )حکومتی ذرائع کے مطابق حالیہ پیش رفت پاکستانی مصالحتی ٹیم سے ہونے والی اہم بات چیت اور مسلسل رابطوں کا نتیجہ ہے، جس کے بعد مذاکرات کے دوسرے مرحلے کیلئے ماحول سازگار بنایا گیا ہے۔

ذرائع کا کہنا ہے کہ امریکی وفد کے آج اسلام آباد روانہ ہونے کا امکان ہے جبکہ امریکا کی لاجسٹک اور سیکیورٹی ٹیم پہلے ہی اسلام آباد میں موجود ہے اور انتظامات کا جائزہ لے رہی ہے۔

دوسری جانب ایرانی وزیر خارجہ کی بھی مختصر ٹیم کے ساتھ آج رات اسلام آباد آمد متوقع ہے، جہاں وہ اہم ملاقاتوں میں شرکت کریں گے۔

حکومتی ذرائع کے مطابق مذاکرات کے اس اہم مرحلے میں پاکستان کی سول اور عسکری قیادت بھی شریک ہوگی تاکہ خطے میں امن و استحکام کیلئے مشترکہ لائحہ عمل پر پیش رفت ممکن ہو سکے۔

تجزیہ کاروں کے مطابق اسلام آباد میں متوقع مذاکرات خطے میں کشیدگی کم کرنے اور امریکا ایران تنازع کے سفارتی حل کیلئے ایک اہم موقع ثابت ہو سکتے ہیں۔