اسٹیٹ بینک نےمتحدہ عرب امارات کے تمام ڈپازٹس واپس کر دیے، 3.45 ارب ڈالر کی ادائیگی مکمل

(کراچی)اسٹیٹ بینک آف پاکستان نے ابو ظہبی فنڈفارڈیولپمنٹ کو 1 ارب ڈالر کی ادائیگی مکمل کر دی ہے، جو 23 اپریل کو ادا کی گئی۔

مرکزی بینک کے مطابق پاکستان گزشتہ ہفتے بھی 2.45 ارب ڈالر کی بڑی رقم واپس کر چکا ہے، جس کے بعد متحدہ عرب امارات کو مجموعی طور پر 3.45 ارب ڈالر کی واپسی مکمل ہو گئی ہے۔

اسٹیٹ بینک کا کہنا ہے کہ اس ادائیگی کے ساتھ ہی پاکستان نے متحدہ عرب امارات کے تمام ڈپازٹس کی واپسی مکمل کر لی ہے، جو ملکی مالیاتی نظم و ضبط اور بین الاقوامی ذمہ داریوں کی پاسداری کا اہم مظہر ہے۔

ماہرینِ معاشیات کے مطابق ان ادائیگیوں سے پاکستان کی مالی ساکھ کو تقویت ملے گی، تاہم زرمبادلہ کے ذخائر پر اس کے اثرات اور آئندہ مالی حکمت عملی پر بھی گہری نظر رکھی جا رہی ہے۔