جتنی مرضی کسی کی صلح کرا لیں، بہتری تب آئے گی جب اہم ایک دوسرے کے ساتھ کھڑے ہوں گے: بیرسٹر گوہر

(راولپنڈی )داہگل ناکے پر میڈیا سے گفتگو کرتے ہوئے چیئرمین پاکستان تحریک انصاف نے کہا کہ ایران امریکا مذاکرات کے لیے جس نے بھی کردار ادا کیا وہ قابل تعریف ہے۔ انہوں نے وزیراعظم، فیلڈ مارشل اور چیف جسٹس سے مطالبہ کرتے ہوئے کہا کہ ہم اس ملک کے شہری ہیں اور قومی بہتری کے لیے سب کو متحد ہونا ہوگا۔

چیئرمین شپ سے متعلق افواہوں کی تردید

بیرسٹر گوہر نے کہا کہ پارٹی چیئرمین شپ عمران خان کی امانت ہے، جب وہ کہیں گے تو وہ عہدہ چھوڑ دیں گے۔ انہوں نے اپنے خلاف پھیلائی جانے والی خبروں کو افواہیں قرار دیتے ہوئے کہا کہ وہ اپنے مؤقف سے پیچھے نہیں ہٹیں گے۔

حکومت سے مذاکرات کی امید

چیئرمین پی ٹی آئی نے کہا کہ امید ہے حکومت کے ساتھ ایک سے ڈیڑھ ماہ میں مذاکرات کا کوئی سلسلہ شروع ہو جائے گا۔ ان کے مطابق مذاکرات کا اختیار اپوزیشن لیڈر محمود خان اچکزئی کے پاس ہے اور امکان ہے کہ جلد کوئی پیش رفت سامنے آئے گی۔

بیرسٹر گوہر نے مزید کہا کہ فی الحال کسی قسم کے مذاکرات جاری نہیں، تاہم سیاسی کشیدگی کے خاتمے کے لیے بات چیت ہی واحد راستہ ہے۔