امریکی نائب صدر کا وزیر اعظم شہباز شریف اور فیلڈ مارشل ٰعاصم منیر پر اعتماد

(واشنگٹن)اپنے بیان میں امریکی نائب صدر نے کہا کہ اسلام آباد میں مذاکرات کے دوران سب کچھ خراب نہیں ہوا اور دونوں فریقین کے درمیان کئی امور پر پیشرفت ہوئی۔ ان کا کہنا تھا کہ ایرانی مذاکراتی ٹیم نے بعض معاملات میں پیش قدمی کی، تاہم ان کے اقدامات واشنگٹن کو مطمئن کرنے کے لیے کافی نہیں تھے۔

جے ڈی وینس نے واضح کیا کہ امریکا کی بنیادی شرط یہ ہے کہ ایران سے یورینیم افزودگی کی صلاحیت مکمل طور پر ختم کی جائے۔ انہوں نے کہا کہ امریکا نے ایران کے سامنے اپنی ریڈ لائن واضح کر دی ہے اور ایران کو ملک سے جوہری مواد ہٹانا ہوگا۔

امریکی نائب صدر نے مزید کہا کہ ایران کو جوہری ہتھیار حاصل کرنے کی کوشش نہیں کرنی چاہیے اور اس حوالے سے امریکا اپنے مؤقف پر قائم ہے۔ انہوں نے دعویٰ کیا کہ ایران دنیا کے خلاف اقتصادی دہشت گردی میں ملوث ہے۔

مذاکرات کے دوسرے دور سے متعلق سوال پر جے ڈی وینس نے کہا کہ گیند ایران کے کورٹ میں ہے اور اب فیصلہ ایران کو کرنا ہوگا۔ انہوں نے امید ظاہر کی کہ ایران آبنائے ہرمز کو دوبارہ کھولنے کے حوالے سے پیشرفت کرے گا۔

امریکی نائب صدر نے کہا کہ امریکا ایران کے ساتھ سفارتکاری کے ذریعے مسئلے کا حل چاہتا ہے تاہم ایران کو عالمی برادری کے خدشات دور کرنے کے لیے ٹھوس اقدامات کرنا ہوں گے۔