وزیراعظم شہباز شریف کا مئی میں دورہ چین کا امکان: سی پیک فیز 2 اور مشرق وسطیٰ کی صورتحال ایجنڈے میں شامل

(اسلام آباد) ذرائع کے مطابق، دورے کے دوران وزیراعظم شہباز شریف چینی صدر شی جن پنگ اور وزیراعظم لی کیانگ سے الگ الگ ملاقاتیں کریں گے۔ ان ملاقاتوں میں دوطرفہ تعلقات کے تمام پہلوؤں کا جائزہ لیا جائے گا اور باہمی دلچسپی کے امور پر تبادلہ خیال ہوگا۔

اس دورے کا سب سے اہم ایجنڈا چین پاکستان اقتصادی راہداری کے دوسرے مرحلے کی رفتار تیز کرنا ہے۔دونوں ممالک کے درمیان صنعت، زراعت اور جدید ٹیکنالوجی کی منتقلی پر بات چیت ہوگی۔پاکستان میں خصوصی اقتصادی زونز کی تعمیر اور ان میں چینی سرمایہ کاری کو فروغ دینے پر توجہ دی جائے گی۔

سفارتی ذرائع کا کہنا ہے کہ وزیراعظم شہباز شریف چینی قیادت کو مشرق وسطیٰ کے موجودہ بحران اور خطے کی مجموعی صورتحال پر اعتماد میں لیں گے۔

دورے کے دوران تجارت اور سرمایہ کاری کے شعبوں میں کئی نئے معاہدوں اور مفاہمت کی یادداشتوں پر دستخط ہونے کا بھی قوی امکان ہے