میلانیا ٹرمپ نے ایپسٹین سے تعلقات کی خبروں پر خاموشی توڑ دی، الزامات کو جھوٹ قرار

(واشنگٹن) میں ایک تقریب سے خطاب کرتے ہوئے میلانیا ٹرمپ نے کہا کہ ان کے خلاف لگائے گئے الزامات جھوٹ پر مبنی ہیں اور انہیں فوری طور پر روکا جانا چاہیے۔

انہوں نے کہا کہ سوشل میڈیا پر برسوں سے ان کے بارے میں جعلی تصاویر اور غلط بیانات گردش کر رہے ہیں، جن پر یقین نہیں کرنا چاہیے۔

میلانیا ٹرمپ نے ایپسٹین اسکینڈل کے متاثرین کے لیے کھلی سماعت کا مطالبہ کرتے ہوئےکانگریس سے اپیل کی کہ اس معاملے کی شفاف تحقیقات کی جائیں تاکہ حقائق سامنے آ سکیں۔

انہوں نے واضح کیا کہ وہ نہ تو جیفری ایپسٹین کی متاثرہ تھیں اور نہ ہی انہوں نے ڈونلڈ ٹرمپ کا تعارف ایپسٹین سے کروایا تھا۔ ان کا کہنا تھا کہ وہ اپنے شوہر سے ایپسٹین سے ملاقات سے دو سال قبل ہی مل چکی تھیں۔

میلانیا ٹرمپ نے مزید کہا کہ ان کے خلاف پھیلائی جانے والی غلط معلومات ان کی ساکھ کو نقصان پہنچانے کی کوشش ہیں اور ایسے الزامات کو فوری طور پر روکا جانا چاہیے۔

ماہرین کے مطابق میلانیا ٹرمپ کا یہ بیان ایپسٹین اسکینڈل سے متعلق جاری بحث کے دوران اہم پیش رفت قرار دیا جا رہا ہے، جس کے بعد سیاسی اور میڈیا حلقوں میں نئی بحث شروع ہونے کا امکان ہے۔