دیکھنا ہوگا امریکا اچھے میز بان کی ثالثی کی کوششو ں کا احترام کرتا ہے نہیں،ایرانی سفیر

(اسلام آباد)اپنے بیان میں ایرانی سفیر نے کہا کہ آج اسلام آباد ایرانی قوم کے خلاف ایک غیر قانونی جنگ کو ختم کرنے میں مدد دینے کیلئے ایک اچھا میزبان بن کر سامنے آیا ہے۔ انہوں نے کہا کہ یہ جنگ نہ صرف ایرانی قوم اور تہذیب کے خلاف جرم ہے بلکہ اس نے پورے خطے اور عالمی سلامتی کو بھی خطرے میں ڈال دیا ہے۔

رضا امیری مقدم نے کہا کہ اب یہ دیکھنا باقی ہے کہ آیا امریکا میزبان کی جانب سے ثالثی کی کوششوں کا احترام کرتا ہے یا نہیں۔ ان کا کہنا تھا کہ ایران سفارتکاری اور مذاکرات کو ترجیح دیتا ہے لیکن اس کیلئے سنجیدہ اقدامات ضروری ہیں۔

سفارتی ذرائع کے مطابق اسلام آباد میں جاری مذاکرات خطے میں کشیدگی کم کرنے کیلئے اہم قرار دیے جا رہے ہیں، جہاں امریکی اور ایرانی وفود موجود ہیں جبکہ پاکستان ثالثی کا کردار ادا کر رہا ہے۔

واضح رہے کہ ایران اور امریکا کے درمیان جاری مذاکرات کو عالمی سطح پر غیر معمولی اہمیت حاصل ہے اور دنیا بھر کی نظریں اسلام آباد میں ہونے والی پیش رفت پر مرکوز ہیں۔