ایران امریکا مذاکرات کے دوران اسحاق ڈار کا قرآنی آیت پر مبنی ٹویٹ توجہ کا مرکز بن گیا

(اسلام آباد)نائب وزیراعظم اسحاق ڈار نے اپنے سوشل میڈیا اکاؤنٹ پر قرآنی آیت شیئر کرتے ہوئے لکھا، "اور اللہ صبر کرنے والوں سے محبت کرتا ہے"۔ ان کے اس مختصر پیغام کو موجودہ سفارتی صورتحال کے تناظر میں اہم قرار دیا جا رہا ہے۔

سیاسی و سفارتی حلقوں کے مطابق اسحاق ڈار کا یہ ٹویٹ جاری مذاکرات اور خطے کی کشیدہ صورتحال کے دوران صبر، تحمل اور مثبت سفارتی کوششوں کی طرف اشارہ سمجھا جا رہا ہے۔

vo

یاد رہے کہ اسلام آباد میں ایران اور امریکا کے درمیان اہم مذاکرات جاری ہیں، جن میں پاکستان سہولت کار کا کردار ادا کر رہا ہے۔ ذرائع کے مطابق مذاکرات میں جنگ بندی اور کشیدگی کم کرنے سے متعلق امور زیر غور ہیں۔

اسحاق ڈار کے اس ٹویٹ پر سوشل میڈیا صارفین کی جانب سے مختلف تبصرے سامنے آ رہے ہیں، جبکہ اسے جاری سفارتی عمل کے حوالے سے ایک اہم پیغام بھی قرار دیا جا رہا ہے۔