برطانیہ کا ایران جنگ اور آبنائے ہرمز ناکی بندی میں شامل ہونے سے انکار

(لندن) برطانوی وزیراعظم کیئر اسٹارمر نے واضح کیا ہے کہ برطانیہ ایران کے خلاف کسی بھی جنگ اور آبنائے ہرمز کی ناکہ بندی میں شامل نہیں ہوگا۔

غیر ملکی میڈیا رپورٹس کے مطابق برطانوی وزیراعظم نے کہا کہ برطانیہ پر جتنا بھی دباؤ ہو، وہ کسی صورت جنگ کا حصہ نہیں بنے گا۔ انہوں نے واضح کیا کہ برطانیہ آبنائے ہرمز کی ناکہ بندی کی حمایت نہیں کرتا۔

کیئر اسٹارمر کا کہنا تھا کہ آبنائے ہرمز عالمی تجارت کے لیے اہم گزرگاہ ہے اور اسے مکمل طور پر کھلا رکھنا ناگزیر ہے۔ انہوں نے مزید کہا کہ کسی بھی فوجی کارروائی کے لیے قانونی جواز اور واضح حکمت عملی ضروری ہوتی ہے۔

برطانوی وزیراعظم نے اس بات پر بھی زور دیا کہ ایران سے متعلق تنازع کا فوری اور پائیدار حل صرف سفارت کاری کے ذریعے ہی ممکن ہے، اور تمام فریقین کو کشیدگی کم کرنے کے لیے مذاکرات کا راستہ اختیار کرنا چاہیے۔