وزیراعلیٰ خیبرپختونخوا کا 19 اپریل کو مردان میں بڑے جلسے کا اعلان

(پشاور )اپنے بیان میں وزیراعلیٰ خیبرپختونخوا نے کہا کہ بانی تحریک انصاف عمران خان کی ہدایت پر 10 دن کے اندر جلسہ منعقد کیا جا رہا ہے، جو 19 اپریل سہ پہر 3 بجے مردان ریلوے گراؤنڈ میں ہوگا۔

انہوں نے کہا کہ عمران خان اور بشری کو ناحق قید کیا گیا ہے جبکہ پی ٹی آئی قیادت کے ساتھ گزشتہ کئی برسوں سے ظلم و زیادتی جاری ہے۔

سہیل آفریدی کا کہنا تھا کہ تمام تر دباؤ کے باوجود یہ ثابت کیا جائے گا کہ پی ٹی آئی ملک کی سب سے بڑی سیاسی جماعت ہے۔ انہوں نے کہا کہ 19 اپریل کا جلسہ دنیا کو یہ پیغام دے گا کہ عمران خان جیل میں ہونے کے باوجود عوامی حمایت رکھتے ہیں۔

وزیراعلیٰ خیبرپختونخوا نے الزام عائد کیا کہ مخالفین، خصوصاً سوشل میڈیا پر سرگرم عناصر، جلسے کو ناکام بنانے کے لیے منفی پروپیگنڈا کر رہے ہیں۔

انہوں نے عوام سے اپیل کی کہ وہ بڑی تعداد میں جلسے میں شرکت کریں اور عمران خان سے اظہار یکجہتی کریں۔