ایران میں جنگ سے متاثرہ عمارتوں کی بحالی تیز، 37 ہزار عمارتوں کی مرمت مکمل

(تہران) ایران میں جنگ سے متاثرہ علاقوں میں بحالی اور تعمیر نو کا عمل تیزی سے جاری ہے، جہاں ہزاروں عمارتوں کی مرمت مکمل کر لی گئی ہے۔

ایرانی ہاؤسنگ فاؤنڈیشن کے مطابق اب تک 37 ہزار رہائشی اور تجارتی عمارتوں کی مرمت مکمل کی جا چکی ہے، جبکہ بحالی کا کام مختلف شہروں میں بدستور جاری ہے۔

رپورٹس کے مطابق امریکی اور اسرائیلی حملوں کے نتیجے میں سوا لاکھ سے زائد شہری عمارتیں مکمل یا جزوی طور پر تباہ ہوئیں، جس کے باعث بڑے پیمانے پر انفراسٹرکچر کو نقصان پہنچا۔

مزید برآں، جنگ کے دوران 339 اسپتالوں، کلینکس، فارمیسیز اور ایمرجنسی مراکز بھی متاثر ہوئے، جس سے صحت کے نظام پر شدید دباؤ پڑا۔

حکام کا کہنا ہے کہ متاثرہ علاقوں میں نہ صرف عمارتوں کی بحالی بلکہ عوام کو ریلیف فراہم کرنے کے لیے بھی اقدامات کیے جا رہے ہیں، جبکہ بنیادی سہولیات کی بحالی کو ترجیح دی جا رہی ہے۔

ماہرین کے مطابق تعمیر نو کا یہ عمل طویل ہو سکتا ہے، تاہم حکومتی کوششیں متاثرہ علاقوں کو جلد از جلد معمول پر لانے کے لیے جاری ہیں۔