برطانو اخبار کو دعویٰ:مجتبیٰ خامنہ ای شدید زخمی اور بے ہوش ہیں

(برطانیہ) برطانوی اخبار دی ٹائمز کے مطابق مجتبیٰ خامنہ ای جنگ کے پہلے روز زخمی ہوئے تھے جس کے بعد سے وہ روزمرہ کے حکومتی معاملات چلانے کے قابل نہیں رہے۔ رپورٹ میں کہا گیا ہے کہ یہ دعویٰ امریکا اور اسرائیل کی انٹیلی جنس میمو میں سامنے آیا ہے۔

اخبار کے مطابق ایرانی سپریم لیڈر کی حالت تشویشناک بتائی جا رہی ہے جبکہ ان کی صحت کے حوالے سے ایرانی حکام کی جانب سے تاحال کوئی باضابطہ بیان سامنے نہیں آیا۔

دوسری جانب امریکی صدر ڈونلڈ ٹرمپ کی دھمکی کے بعد مشرق وسطیٰ میں کشیدگی مزید بڑھ گئی ہے۔ خدشہ ظاہر کیا جا رہا ہے کہ ایران خطے میں اہم پلوں کو نشانہ بنا سکتا ہے۔

اسی خدشے کے پیش نظر سعودی عرب اور بحرین کو ملانے والا کنگ فہد کازوے احتیاطی تدابیر کے تحت ٹریفک کے لیے بند کر دیا گیا ہے۔ 25 کلومیٹر طویل یہ پل دونوں ممالک کے درمیان واحد زمینی رابطہ سمجھا جاتا ہے۔

علاقائی صورتحال کے پیش نظر سیکیورٹی اداروں کو ہائی الرٹ کر دیا گیا ہے جبکہ مزید حفاظتی اقدامات بھی زیر غور ہیں۔