ایران کی لیڈر شپ ختم، امریکی افواج مکمل طور پر فعال ہیں: ٹرمپ کا دعویٰ

(واشنگٹن)سوشل میڈیا پر جاری اپنے پیغام میں ڈونلڈ ٹرمپ نے ایک تصویر شیئر کی جس میں امریکا کی کامیابی اور ایران کی تباہی کو ظاہر کیا گیا۔ انہوں نے کہا کہ امریکا کی نیوی، ایئر فورس اور میزائل ڈیفنس سسٹم سو فیصد فعال ہیں اور ہر قسم کے خطرے سے نمٹنے کے لیے تیار ہیں۔

ٹرمپ نے مزید دعویٰ کیا کہ ایران کی نیوی، ایئر فورس اور ایئر ڈیفنس نظام کو مکمل طور پر تباہ کر دیا گیا ہے، تاہم ان دعوؤں کی آزاد ذرائع سے تصدیق نہیں ہو سکی۔

دفاعی ماہرین کا کہنا ہے کہ اس نوعیت کے بیانات خطے میں کشیدگی کو مزید بڑھا سکتے ہیں، جبکہ عالمی برادری صورتحال پر گہری نظر رکھے ہوئے ہے۔