آسٹریلیا کے خلاف ون ڈے سیریز کیلئے قومی اسکواڈ کا اعلان، بابر اور نسیم شاہ کی واپسی
پاکستان کرکٹ بورڈ نے آسٹریلیا کے خلاف تین میچوں پر مشتمل ون ڈے سیریز کیلئے 16 رکنی قومی اسکواڈ کا اعلان کر دیا ہے، جس میں بابر اعظم، حارث رؤف، نسیم شاہ اورشاداب خان کی ٹیم میں واپسی ہوئی ہے۔
آسٹریلیا کے خلاف ون ڈے سیریز میں قومی ٹیم کی قیادت شاہین آفریدی کریں گے، جبکہ احمد دانیال، عرفات منہاس اور روحیل نذیر کو بھی اسکواڈ میں شامل کیا گیا ہے۔
اسکواڈ میں صاحبزادہ فرحان، شامل حسین اور سفیان مقیم بھی جگہ بنانے میں کامیاب رہے ہیں، جبکہ محمد غازی غوری اور روحیل نذیر کو وکٹ کیپر بیٹرز کے طور پر منتخب کیا گیا ہے۔
دوسری جانب عثمان خان بیماری کے باعث سیریز کیلئے زیر غور نہیں آئے، جبکہ فخر زمان اور صائم ایوب انجری انجری کے باعث بدستور ری ہیبلیٹیشن پروگرام جاری رکھیں گے۔
پاکستان اور آسٹریلیا کے درمیان تین ون ڈے میچوں کی سیریز 30 مئی سے 4 جون تک راولپنڈی اور لاہورمیں کھیلی جائے گی۔
Web Desk
Media Channel
شائع ہوا: 22 مئی، 2026 کو 02:47 PM
آخری تدوین: 22 مئی، 2026
