اڈیالہ جیل میں بانی پی ٹی آئی کی بشریٰ بی بی سے ملاقات

(راولپنڈی) اڈیالہ جیل میں بانی پی ٹی آئی عمران خان کی بشریٰ بی بی سے ملاقات ہوئی، جس دوران انہوں نے بشریٰ بی بی کی صحت سے متعلق دریافت کیا۔

جیل ذرائع کے مطابق بانی پی ٹی آئی نے بشریٰ بی بی کی آنکھ کے آپریشن کے بعد ان کی عیادت کی اور صحت کے حوالے سے تفصیلی گفتگو کی۔

ذرائع نے بتایا کہ دونوں کے درمیان ملاقات تقریباً 40 منٹ تک جاری رہی، اس دوران بشریٰ بی بی نے بیٹیوں سے بات چیت کے حوالے سے بھی آگاہ کیا۔

جیل ذرائع کے مطابق بشریٰ بی بی کو فیملی کی جانب سے چاکلیٹ اور دیگر اشیاء بھی فراہم کی گئیں۔