ٹرمپ کا بڑا اشارہ، کل وائٹ ہاؤس میں اہم شخصیت کی آمد کا اعلان

(واشنگٹن) ڈونلڈ ٹرمپ نے کہا ہے کہ کل کوئی بڑا سرپرائز ہو سکتا ہے اور ایک اہم شخصیت وائٹ ہاؤس

آ رہی ہے۔

امریکی صدر نے اپنے بیان میں کہا کہ "کل کوئی اہم شخصیت وائٹ ہاؤس آ رہی ہے، وہ بہت اچھی، ذہین اور خیال رکھنے والی شخصیت ہے، کل نیوز کانفرنس بھی ہوگی اور امریکا کے لیے کچھ اچھا ہونے جا رہا ہے۔"

ڈونلڈ ٹرمپ نے ایران کے حوالے سے کہا کہ امریکا ایران کو ایٹمی ہتھیار حاصل نہیں کرنے دے گا۔ ان کا کہنا تھا کہ ایران مختلف بیانات دے رہا ہے، تاہم اہم بات یہ ہے کہ ایران ایٹمی ہتھیار نہیں رکھ سکتا۔

انہوں نے مزید کہا کہ ایران کے ساتھ سیز فائر میں توسیع نہ ہونے کا بھی امکان موجود ہے۔ امریکی صدر کا کہنا تھا کہ ایران سے نیوکلیئر ڈسٹ لینے کی تاریخ اور وقت نہیں دے سکتے، معاہدے کے بعد ایران کو وقت دیا جائے گا اور نیوکلیئر مواد امریکا منتقل کیا جائے گا۔

ٹرمپ نے خبردار کیا کہ اگر یہ عمل ممکن نہ ہوا تو امریکا دوسرے طریقے سے یہ مقصد حاصل کرے گا، جو ان کے مطابق "غیر دوستانہ" ہوگا۔

امریکی صدر نے مزید کہا کہ آبنائے ہرمز پر ایران کو پابندیاں لگانے یا فیس وصول کرنے کی اجازت نہیں دی جائے گی۔