سونے اور چاندی کی قیمتوں میں بڑی کمی، عالمی و مقامی مارکیٹس میں ریورس گیئر

(کراچی) عالمی اور مقامی گولڈ مارکیٹس میں سونے اور چاندی کی قیمتوں کو ایک بار پھر ریورس گیئر لگ گیا، جس کے باعث قیمتی دھاتوں کی قیمتوں میں نمایاں کمی ریکارڈ کی گئی ہے۔

آل پاکستان صرافہ ایسوسی ایشن کے مطابق ملک میں 24 کیرٹ فی تولہ سونے کی قیمت 6800 روپے کمی کے بعد 4 لاکھ 70 ہزار 362 روپے ہوگئی۔ اسی طرح 10 گرام سونے کی قیمت میں بھی تبدیلی ریکارڈ کی گئی اور یہ 5 ہزار 830 روپے کم ہوکر 4 لاکھ 3 ہزار 259 روپے تک پہنچ گئی۔

دوسری جانب چاندی کی قیمتوں میں بھی کمی دیکھی گئی۔ فی تولہ چاندی 125 روپے سستی ہونے کے بعد 7 ہزار 974 روپے پر آگئی۔

عالمی مارکیٹ میں بھی سونے کی قیمتوں میں نمایاں کمی سامنے آئی، جہاں فی اونس سونا 68 ڈالر کمی کے بعد 4 ہزار 480 ڈالر کی سطح پر ٹریڈ کرتا رہا۔

ماہرین کے مطابق عالمی اقتصادی صورتحال، امریکی ڈالر کی قدر اور سرمایہ کاروں کے رجحانات میں تبدیلی کے باعث سونے اور چاندی کی قیمتوں میں اتار چڑھاؤ جاری ہے۔