امریکا اور اسرائیل کے حملوں میں 3 ہزار 375 ایرانی شہید،ایرانی حکام کی رپورٹ

(تہران )ایرانی حکام کی جانب سے جاری رپورٹ کے مطابق 3375 لاشوں کی شناخت مکمل کر لی گئی ہے، جن میں 2875 مرد اور 496 خواتین شامل ہیں۔ رپورٹ میں بتایا گیا کہ سب سے زیادہ اموات تہران، ہرمزگان اور اصفہان میں ریکارڈ کی گئی ہیں۔

ایرانی حکام کے مطابق حملوں میں بڑی تعداد میں بچوں کی شہادت بھی ہوئی ہے۔ رپورٹ میں کہا گیا ہے کہ شہید ہونے والوں میں سات شیر خوار بچے شامل ہیں جن کی عمر ایک سال سے کم تھی، جبکہ ایک سے 12 سال کے درمیان عمر کے 255 بچے اور 13 سے 18 سال کے درمیان عمر کے 121 نوجوان بھی شہید ہونے والوں میں شامل ہیں۔

ایرانی حکام نے ان حملوں کو انسانی المیہ قرار دیتے ہوئے عالمی برادری سے فوری نوٹس لینے کا مطالبہ کیا ہے۔ حکام کے مطابق حملوں میں شہری آبادی کو نشانہ بنایا گیا جس کے باعث ہلاکتوں میں اضافہ ہوا۔

رپورٹ میں مزید کہا گیا ہے کہ زخمیوں کی تعداد ہزاروں میں ہے جبکہ متاثرہ علاقوں میں امدادی کارروائیاں جاری ہیں۔