متحدہ عرب امارات نے تیل پیدا کرنے والے ممالک کی تنظیم اوپیک اور اوپیک پلس چھوڑنے کا اعلان کر دیا

(ابوظہبی) متحدہ عرب امارات نےاوپیک اور اوپیک پلس چھوڑنے کا اعلان کر دیا ہے۔متحدہ عرب امارات کے وزیر توانائی نے میڈیا سے گفتگو کرتے ہوئے کہا کہ متحدہ عرب امارات یکم مئی سے اوپیک اور اوپیک پلس سے علیحدہ ہو رہا ہے۔

انہوں نے کہا کہ یو اے ای ایک طویل عرصے سے اوپیک اور اوپیک پلس کا اہم رکن رہا ہے، تاہم مستقبل میں دنیا کو مزید توانائی کی ضرورت ہوگی اور موجودہ حالات میں اس پالیسی فیصلے پر غور کرنے کا یہی درست وقت ہے۔

وزیر توانائی کے مطابق یہ فیصلہ ملک کو خام مصنوعات، پیٹرو کیمیکلز اور گیس سے متعلق اپنی ضروریات بہتر انداز میں پورا کرنے کے قابل بنائے گا۔

انہوں نے مزید کہا کہ عالمی توانائی مارکیٹ میں تیزی سے بدلتے حالات کے باعث یو اے ای کو اپنی پالیسیوں کو نئے تقاضوں کے مطابق ڈھالنا ضروری ہو گیا تھا۔

ماہرین کے مطابق یو اے ای کے اس فیصلے سے عالمی تیل منڈی، خام تیل کی قیمتوں اور خطے کی توانائی سیاست پر نمایاں اثرات مرتب ہو سکتے ہیں۔