فیفا ورللڈ کپ 2026ء: میکسیکو نے افتتاحی میچ میں جنوبی افریقہ کو 0-2 سے شکست دے دی

فیفا ورلڈ کپ 2026ء کے افتتاحی میچ میں میکسیکو نے شاندار کھیل کا مظاہرہ کرتے ہوئے جنوبی افریقہ کو دو صفر سے شکست دے کر ایونٹ کا فاتحانہ آغاز کیا۔

میچ میں میکسیکو کی جانب سے جولین کینونس اور راؤل جمنیز نے ایک، ایک گول اسکور کیا اور اپنی ٹیم کو اہم کامیابی دلانے میں کلیدی کردار ادا کیا۔ دونوں کھلاڑیوں کی عمدہ کارکردگی نے میکسیکو کو ٹورنامنٹ کی پہلی فتح دلانے میں مدد فراہم کی۔

مقابلے کے دوران کھیل میں سختی بھی دیکھنے میں آئی، جس کے نتیجے میں جنوبی افریقہ کے دو کھلاڑیوں اور میکسیکو کے ایک کھلاڑی کو ریڈ کارڈ دکھا کر میدان سے باہر بھیج دیا گیا۔

افتتاحی کامیابی کے بعد میکسیکو نے ٹورنامنٹ میں اپنی مہم کا مثبت آغاز کر لیا ہے، جبکہ جنوبی افریقہ کو اگلے میچوں میں واپسی کے لیے بہتر حکمت عملی اپنانا ہوگی۔

دوسری جانب ایونٹ کا دوسرا میچ پاکستانی وقت کے مطابق 12 جون کو صبح 7 بجے کھیلا جائے گا، جس میں جمہوریہ چیک اور جنوبی کوریا کی ٹیمیں آمنے سامنے ہوں گی۔ شائقین فٹبال اس دلچسپ مقابلے کا بے صبری سے انتظار کر رہے ہیں۔