بیرسٹر گوہر علی خان نے دعویٰ کیا ہے کہ بشریٰ بی بی کو علاج کیلئے ہسپتال منتقل کر دیا گیا ہے

(اسلام آباد)بیرسٹر گوہر نے مزید کہا کہ بشریٰ بی بی سے ان کے اہل خانہ کی ملاقات کی اجازت دی جائے، جبکہ وہ عمران خان سے ان کے خاندان کی ملاقات کے حوالے سے بھی منتظر ہیں۔ ان کا کہنا تھا کہ علاج معالجے تک رسائی بنیادی اور قانونی حق ہے۔

دوسری جانب وزیراعلیٰ خیبر پختونخوا کے معاون خصوصی شفیع جان نے اپنے بیان میں کہا کہ بشریٰ بی بی کی صحت سے متعلق خبریں تشویشناک ہیں۔ انہوں نے پنجاب حکومت کی جانب سے اس معاملے پر خاموشی کو افسوسناک قرار دیا۔

شفیع جان نے کہا کہ بشریٰ بی بی ایک غیر سیاسی خاتون ہیں اور ان کے ساتھ سیاسی انتقام پر مبنی رویہ قابل قبول نہیں۔ انہوں نے مزید کہا کہ عمران خان کو کمزور کرنے کی کوششیں پہلے بھی ناکام ہوئی ہیں اور آئندہ بھی ناکام رہیں گی۔