سان ڈیاگو سانحہ: اکنا ریلیف کی قیادت کا اسلامی مرکز سان ڈیاگو کا دورہ، متاثرہ خاندانوں سے اظہارِ یکجہتی

(سان ڈیاگو ) 18 مئی کو پیش آنے والے المناک سانحے کے بعد متاثرہ مسلم کمیونٹی سے اظہارِ یکجہتی کے لیے اکنا ریلیف کے چیف ایگزیکٹو آفیسر عبدالرؤف خان اور چیف آپریٹنگ آفیسر علیم الدین نے اسلامی مرکز سان ڈیاگو کا دورہ کیا

دورے کے دوران وفد نے مرکز کے امام شیخ طہٰ اور مقامی کمیونٹی رہنماؤں سے ملاقات کی، جاری امدادی سرگرمیوں کا جائزہ لیا اور سانحے میں جاں بحق ہونے والوں کے اہل خانہ سے تعزیت کا اظہار کیا۔ اکنا ریلیف کی قیادت نے یقین دلایا کہ ادارہ متاثرہ خاندانوں اور کمیونٹی کی ہر ممکن مدد جاری رکھے گا

اکنا ریلیف کی کونسلنگ ٹیم پہلے ہی متاثرہ افراد کو نفسیاتی اور جذباتی معاونت فراہم کر رہی ہے تاکہ کمیونٹی کو اس مشکل صورتحال سے نمٹنے میں مدد مل سکے۔ اس موقع پر قیادت نے سان ڈیاگو کی مسلم کمیونٹی کے صبر، اتحاد اور ثابت قدمی کو سراہتے ہوئے کہا کہ مشکل حالات کے باوجود کمیونٹی نے مثالی یکجہتی کا مظاہرہ کیا ہے

اکنا ریلیف نے شہداء کے درجات کی بلندی، اہل خانہ کے لیے صبرِ جمیل اور پوری کمیونٹی کے امن و استحکام کے لیے دعا کرتے ہوئے اپنے عزم کا اعادہ کیا کہ وہ متاثرہ افراد کے ساتھ ہر مرحلے پر کھڑی رہے گی۔